हो हुलाक शनिवार, दशैं र तिहारको केही सीमित दिन र होलीको दिनबाहेक सबै दिन खुला हुन्छ ।

हुलाक वस्तु प्राप्त गरेपछी घरघर सम्म पुर्‍याउनु हाम्रो कर्तव्य हो । त्यसको लागि तपाईले स्पष्ट र पुरा ठेगाना, मोबाइल नम्बर उल्लेख गरेको हुनु पर्छ । कुनै बेला कामको भार, कर्मचारी कटौती जस्ता कारणले घरमै सेवा दिन नसक्ने पनि हुन सक्छ ।

अवस्य पनि । यदी तपाईले साधारण पत्रको दर्ता निस्सा चाहनुहुन्छ भने प्रत्येक ३ थान साधारण पत्रको निस्साबापत रु.१० तिर्नु पर्नेछ । निस्साको लागि प्रेषक र प्रापकको विवरण भने प्रेषकले नै लिएर आउनु पर्नेछ । त्यसमा हुलाक हाकिमले प्रमाणित गरिदिनुहुनेछ ।

जिल्ला हुलाक कार्यालय ललितपुरमा सामान्यतयाः विहान १० बजेदेखि कार्यालय समय सकिनु भन्दा आधा घण्टा अगाडिसम्म हुलाक वस्तु दर्ता गर्न सकिन्छ ।

पत्रलाई दर्ता नम्बर दिइने र सोही नम्बरबाट खोजी गर्न सकिने पत्र रजिष्ट्री पत्र हो । पत्रमा रजिष्ट्री नम्बर उल्लेख गरेर प्रेषकलाई सोको रसिद दिइने हुँदा सो रसिदमा उल्लेख भएको नम्बर https://www.gpo.gov.np/Home/DomesticTracking मा गएर ट्राकिङ गर्न पनि सकिन्छ । यो साधारण पत्र भन्दा केही महङ्गो हुन्छ ।

तोकिएको दरको हुलाक टिकट टाँस गरी सम्बन्धित ठेगानामा पठाइने चिठीपत्र नै साधारण पत्र हो । यसको दर्ता नम्बर हुदैन र यसको खोजी कार्य जटिल हुन्छ ।

हुलाकबाट चिठीपत्र, कागजातहरू, समाचार पत्रपत्रिका, विभिन्न व्यापारिक नमुनाहरू, अन्धा साहित्य, हुलाक पत्र (पोष्ट कार्ड), छापा कागजपत्र र पुलिन्दाहरू पठाउन सकिन्छ । यस्ता सामग्रीहरू उपयुक्त तरिकाले प्याकिङ गरिएको हुनु पर्छ । नेपाल सरकार वा सम्बन्धित देशको सरकारद्वारा निषेधित सामग्री भने पठाउन सकिदैन ।

यहाँबाट नेपाल भरी र विश्वका ३८ भन्दा बढी राष्ट्रहरूमा हुलाक वस्तुहरु पठाउन सकिन्छ । ती राष्ट्रहरू देहाय यस प्रकार छन् :- अस्ट्रेलिया, बेल्जियम, फिनल्यान्ड, जर्मनी, इटाली, जापान, मलेसिया, नेदरल्यान्ड, नर्वे, कतार, स्पेन, स्वीजरल्यान्ड, संयुक्त राज्य अमेरिका, सम्युक्त अरब इमिरेट्स, हङकङ, अस्ट्रिया, डेनमार्क, फ्रान्स, इन्डोनेसिया, भारत, दक्षिण कोरिया, माल्दिभ्स, न्यु जिल्यान्ड, फिलिपिन्स, सिंगापुर, स्वीडेन, थाइल्यान्ड, संयुक्त अधिराज्य, भियतनाम, साउदी अरब, चीन, मकाउ, ताइवान, टर्की, ब्रुनाई, श्रीलङ्का, बङ्गलादेश र दक्षिण अफ्रिका